«Өзін-өзі тану» пәнінің құрылымдық-мазмұнды және әдістемелік аспектісі» облыстық семинар

2020 жылдың 20 қаңтарында Ақкөл ауданы Ақкөл қаласында «Өзін-өзі тану» пәнінің құрылымдық-мазмұнды және әдістемелік аспектісі» тақырыбында өзін-өзі тану пәні бойынша облыстық семинар өтті. Семинардың басты құндылығы іс-шараның барлық кезеңдерінің бағыттаушысы болған әділ мінез-құлық болды. «Өрлеу «БАҰО» АҚ филиалы Ақмола облысы бойынша ПҚ БАИ-ның тренері Басболатова Алма Рахметулловна «Өзін-өзі тану» пәні бойынша жаңа енгізілімдер туралы айтып, қатысушыларға сәттілік тіледі.

Қонақтарға құттықтау сөздерімен Ақкөл қ. № 4 ОМ директоры, өзін-өзі тану пәнінің мұғалімі Сеитова Гульжан Маратовна сөз сөйледі. Өз презентациясында ол мектеп педагогтары мен оқушыларының қол жеткізген жетістіктерін көрсетті, және бұл әлі шегі емес және үлкен жетістіктерге жетуге болатынын атап өтті.

Семинарда әр түрлі жұмыс түрлері көрсетілді: сабақтар мен мастер-класстар.

№ 4 Ақкөл орта мектебінің бастауыш сынып және өзін-өзі тану мұғалімі В. А. Сидорук дайындаған 3 «Б» сыныбындағы «Мейірімділік туралы» тақырыбы бойынша сабақ оқушылардың жас ерекшеліктеріне және зияткерлік мүмкіндіктеріне сәйкес болды, дамытушылық сипатқа ие болды.

Семинар аясында № 2 Ақкөл орта мектебінің бастауыш сынып және өзін-өзі тану мұғалімі М. Н. Садышева 6 «Б» сыныбында «Сыныптағы достық» тақырыбында өзін-өзі тану сабағын өткізді, онда оқушылар арасындағы достық күшін көрсетті.

№2 Ақкөл орта мектебінің бастауыш сынып және өзін-өзі тану пәнінің мұғалімі О. А Берникова «Менің ұжымым» атты мастер-класс өткізді және өзін-өзі тану мұғалімдеріне сынып ұжымын нығайту бойынша тәжірибелік кеңестер берді.

Жалпы, семинар жоғары деңгейде өтті. Осы іс-шараның қонақтары мен қатысушылары өздерінің әдістемелік қоржынына қажетті және пайдалы көп нәрселерді салды.